မေး။ ။ SNDP ကျားဖြူပါတီရဲ့ အဓိက ရည်ရွယ်ချက်ကိုသိပါရစေရှင်။
ဖြေ။ ။ ကျနော်တို့ကျားဖြူပါတီရဲ့ ရည်ရွယ်ချက်ကတော့ ၂၀၁၅ ရွေးကောက် ပွဲမှာအနိုင်ရဖို့ဘဲဖြစ်တယ်။ အရင်က ကိုယ်စားလှယ်လောင်း ၂၁၀ ၀င်ပြိုင် ဖို့ လုပ်ထားတာအကြောင်း အမျိုးမျိုး ကြောင့် ၃ ယောက် အပယ်ခံရတယ်။ ၂၀၇ ဘဲကျန် တာ့တယ်။ ဒီအရေအတွက်ဟာ တခြားသော တိုင်းရင်း သား လူမျိုးစုနဲ့ စာရင် ကျားဖြူပါတီက ကိုယ်စားလှယ်လောင်း အရေအတွက် အများဆုံး ဖြစ်တယ်လို့ပြောလို့ရပါတယ်။ နောက်တခုက ၂၀၁၅ မှာအနိုင် ရရင် သျှမ်းပြည်နယ်အစိုးရ ဖွဲ့ မယ်။ ဘာကြောင့်လဲဆိုတော့ သျှမ်းပြည် နယ်ဟာ သျှမ်းအစိုးရ အုပ်ချုပ်စေချင်တယ်။ ကျနော်တို့ သျှမ်းပြည်ကို ကျနော်တို့ အုပ်ချုပ်နိုင်မှသာ ကျနော်တို့ သျှမ်းလူထုအတွက်လုပ်ချင်တာ လုပ်နိုင်မှာ ပေါ့။ ဘာလို့လဲဆိုတော့ တခြားသော နိုင်ငံနဲ့ နှိုင်းယှဉ်ရင် ကျနော် တို့သျှမ်းပြည် နယ်ဟာ နိမ့်ကျ နေတယ်။ ကျနော်တို့သျှမ်းပြည် ဘဲအရင်ကြည့်လိုက် တခြား နိုင်ငံနဲ့မယှဉ်သေးနဲ့။ သျှမ်းပြည် တောင်ပိုင်း တောင်ကြီးခရိုင် လွယ်လင် ရိုင် လင်းခေးခရိုင် ဆိုရင် လွယ်လင်နဲ့လင်းခေး ခရိုင်က တော်ေ တ်ာလေး ကို တိုးတက်မှုမရှိသေး တာတွေ့ရ တယ်။ ကျနော်တို့ ဒါတွေ တွေ့ထားတော့ ကျနော်တို့ သျှမ်းပြည်နယ်အစိုးရ ဖြစ်လာပြီဆိုရင် ဒါတွေကို တိုးတက်ကောင်း မွန်လာအောင် ကျနော် တို့ ဆောင်ရွက်နိုင်မယ်လေ။ ကျနော်တို့ သျှမ်းပြည် သားတွေမခံစားရသေးတဲ့ ကောင်းကျိုးကို ကျနော်တို့ လုပ်ပေး ချင်တယ်။
မေး။ ။ ၂၀၁၅ ရွေးကောက်ပွဲက သျှမ်းပြည်သားတွေအတွက်ဘယ်လောက် အရေး ပါမလဲ။
ဖြေ။ ။ အားအရေးကြီးတာပေါ့။ ၁၉၄၈ နောက်ပိုင်း သျှမ်းလူထုကို ကိုယ်စားပြုမယ့် သျှမ်းပါတီစစ်စစ် အနေ နဲ့ဝင်ပြိုင်တာ ဒီတခါဘဲရှိမယ်လေ။ ဖဆပလ ခေတ်တုန်းကလည်း ရှိတယ်။ ဒါမယ့် ဒီလောက်မကြီးဘူးလေ။ အခု မြန်မာနိုင်ငံရှိ မြို့ပေါင်း ၃၃၀ မြို့မှာ ၆၈ မြို့မှာ ကျနော်တို့ပါတီ ၀င်တွေ ရှိတယ်။ ကျနော်တို့ ၀င်ပြီးယှဉ်မှာလေ။ ကျနော် တို့သျှမ်းလူမျိုးတွေရဲ့ဘ၀ကံကြမ္မာ ဒီတခါတော့ပြောင်းလဲပြီပေါ့။ ကျနော်တို့ အောင်နိုင်မှာသာ ကျနော်တို့မိဘ ပြည်သူတွေအတွက်လုပ်နိုင်မယ်ဆိုတော့ ဒီတခါလုပ် မယ့် ရွေးကောက် ပွဲဟာ သျှမ်းပြည်လူထု အတွက် အရမ်း ကိုအရေးကြီး တယ်ဆိုတာ နားလည်ရမယ်။ ဒါကြောင့် ကျားဖြူပါတီ ကိုမဲပေးရမယ်။ ကျားဖြူပါတီသာ သျှမ်းပြည်သားတွေကို ကိုယ်စားပြုတဲ့ သျှမ်းပါတီစစ်စစ် ဖြစ်တယ်။ ဥက္ကဌ လည်း သျှမ်းဘဲ ဒုဥက္ကဌလည်းသျှမ်းဘဲ။ သျှမ်းစစ်စစ်ကမွေးလာတဲ့ သျှမ်းသွေး ၁၀၀ ရာခိုင်နှုန်းပါတယ်။ ဒါကြောင့် သျှမ်းပြည်ထဲမှာ နေတဲ့ တိုင်းရင်းသားအားလုံးအတွက် အလုပ်လုပ်ချင်တယ်။
မေး။ ။ ရွေးကောက်ပွဲပြီးရင် လူထုကိုဘာလုပ်ပေးမလဲ။
ဖြေ။ ။ ဒါ ကျနော်အဖြေချင်ဆုံးမေးခွန်းဘဲ။ ဘာလို့လဲဆိုတော့ ကျနော် တို့သျှမ်းပြည် သား တွေ ဒုက္ခမျိုးစုံ ခံစားရတယ်။အေးအေးချမ်းချမ်း မနေရဘူး။ ဒါကြောင့် ထိုင်းနိုင်ငံကို ထွက်ပြေး တိမ်းရှောင် နေရတာ ၁ သန်းကျော်ရှိတယ်။ ပထမဆုံး အေးချမ်းမှုလိုတယ်။ ကျနော်အရင်ဆုံးလုပ်ပေးချင်တာက စီးပွါးရေး၊ စိုက်ပျိုးရေး၊ ကျန်းမာရေး၊ လမ်းပန်းဆက် သွယ်ရေး၊ လျှပ်စစ်ဓါတ် အားရရှိရေး စတာ တွေလုပ်ပေး ချင်တယ်။ ပညာရေး။ ကျောင်းချိန်ထဲမှာ သျှမ်းစာသင်ကြားနိုင်အောင် လုပ်ပေးချင်တယ်။ အဓိကကတော့ လွှတ်ေ တ်ာထဲကို ကျနော်တို့ကိုယ်စားလှယ်တွေများများရောက်မှ ဒီဥပဒေကိုပြင်ဆင်ပြဌာန်းနိုင်မယ်။ အခုကျောက်မဲမှာ ကျောင်းချိန်တွင်း သျှမ်းစာသင်တော့မယ်လေ။ ကျနော် ဥက္ကဌကြီးကိုယ်တိုင်လည်း ကျောက်မဲမှာ အမျိုးသား လွှတ်တော်သွားပြိုင်မယ်။ နောင်ချို ကျောက်မဲ သီပေါ နမ်တူ မိုးမိတ် မဘိမ်း ၆ မြို့နယ်ပေါ့နော်။ ကျနော်တို့သျှမ်းပြည်သား ၇၅ ရာခိုင်နှုန်းဟာ လယ်သမားေ တွဖြစ်တယ်။ ဒေသခံရဲ့ လယ်ယာမြေတွေ အသိမ်းခံရတယ်။ ပြန်မရသေးတာ အများကြီးရှိတယ်။ ကျနော်တို့အဲတာတွေကို အမြန် ဆုံး ပြန်ရအောင်စီစဉ်ပေးမယ်။နောက်ပြီးတော့ လယ်သမားတွေစိုက်ပျိုးမွေးမြူရေး မှာဖွံ့ဖြိုး တိုးတက်ဖို့အတွက် ကျနော်တို့က အနောက်နိုင်ငံနဲ့ အဆက် အသွယ်လုပ်ပြီးတော့ အဘက်ဘက် ခေတ်မှီ အောင်လုပ်ပေးမယ်။ နောက်ပြီးကျနော်တို့နိုင်ငံသား အလုပ်အကိုင်ရရှိရေးအတွက် အနောက်နိုင်ငံသား
တွေခေါ်ပြီး စီစဉ်ဆောင်ရွက်ပေးစေမယ်။ကိုယ့်မြို့ကိုယ့်ရွာမှာအလုပ်အကိုင်ရှိ ရင်ဘယ်သူမှနိုင်ငံခြား သွားပြီး သူ့ကျွန်သွားမခံချင်ကြဘူးလေ။
မေး။ ။ ရွေးကောက်ပွဲအောင်နိုင်ရေးအတွက်ဘယ်လိုစီစဉ်ထားပါသလဲ။
ဖြေ။ ။ ကျနော်တို့က မြို့နယ်တိုင်းမှာသွားပြီး စည်းရုံးရေး ဆင်းထားပြီးပြီ။ သျှမ်းပြည် သူ လူထုအားလုံးကို တောင်းဆိုချင်တာက သျှမ်းပါတီစစ်စစ်ကိုေ ထာက်ခံအားပေးပါ။ ကျားဖြူပါတီကို မဲပေးမှသာ သျှမ်းပြည် သား များဘ၀ ကံကြမ္မာ ပြောင်းလဲမှာဖြစ်တယ်။
မေး။ ။ ဒီလိုဆိုရင် ၂၀၁၅ ရွေးကောက်ပွဲမှာ အထူးယှဉ်ပြိုင်ရမှာက ဘယ် ပါတီတွေဖြစ် မလဲ။
ဖြေ။ ။ ပါတီတွေအများကြီးရှိပါတယ်။
မေး။ ။ သျှမ်းပြည်မှာကော်အထူးယှဉ်ပြိုင်ရမှာက ဘယ်ပါတီတွေလဲရှင့်။
ဖြေ။ ။ ကြံ့ခိုင်ရေးပါတီနဲ့ အမျိုးသားဒီမိုကရေစီအဖွဲ့ချုပ်ပေါ့နော်။ ဒါပေမယ့် ကျနော် ယုံကြည် ပါတယ်။ ကျားဖြူပါတီကအင်အား အကြီးမား ဆုံးပါတီဖြစ် ပါတယ်။သျှမ်းပြည် သူလူထုလည်း သိတယ်လေကျနော် တို့ကို။ အဲ့ကြောင့် ကျနော်တို့ကိုဘဲ အားပေးပါတယ်။
မေး။ ။ သျှမ်းပါတီအချင်းချင်း ယှဉ်ပြိုင်ရမယ့်ကိစ္စအပေါ် ဘယ်လိုမြင်ပါသလဲ။
ဖြေ။ ။ ပါတီတွေအများကြီးရယ်။ သျှမ်းပါတီ ၂ ခုဘဲရှိတာမဟုတ်ဘူးလေ။ ကျနော်တို့ ကျားဖြူပါတီဝင် အင်အား ၄ သိန်းကျော်ရှိတယ်အခု။ သီပေါ့မှာလဲ ၄ သောင်းကျော်ရှိတယ်။ နမ့်ခမ်းမှာ ၂ သောင်းကျော် ရှိတယ်။ နမ့်ခမ်းမှာ မဲပေးပိုင်ခွင့်ရှိသူ ၅ သောင်းထက်မပိုဘူးလေ။ ဒါကြောင့် သျှမ်းပြည်လူထုက ကျနော် တို့ကိုထောက်ခံမှာဖြစ်တဲ့အတွက် မနိုင်မှာကိုတော့ မစိုးရိမ်ရဘူးလေ။
လာမယ့် ရွေးကောက်ပွဲမှာ သျှမ်းပြည်နယ်မှာ ကျားဖြူပါတီအပြင် ကျားခေါင်း ပါတီနဲ့ သျှမ်းပြည် အရှေ့ပိုင်း က မင်္ဂလာစည်တော်ပါတီ ဆိုပြီး သျှမ်းပါတီ ၃ ခုရှိပါတယ်။ ဒါ့အပြင် ကြံ့ခိုင်ရေးပါတီ၊ တစညပါတီ၊ အမျိုးသားဒီမိုကရေစီ အဖွဲ့ချုပ်တို့အပြင် တိုင်းရင်းသားပါတီ တွေအများအပြား လည်းဝင်ရောက် ယှဉ်ပြိုင် မှာဖြစ်ပါတယ်။
0 comments:
Post a Comment