7.9.2015
ကျားခေါင်းလို့ ခေါ်ကြတဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်ဟာ မကြာခင်မှာ ကျင်းပတော့မဲ့ ၂၀၁၅ ရွေးကောက်ပွဲကို ၀င်ရောက်ယှဉ်ပြိုင် ဖို့ ပြင်ဆင်နေပြီဖြစ်ပါတယ်။ ဒါ့အပြင် တိုင်းရင်းသား လက်နက်ကိုင် တွေနဲ့ အစိုးရအကြား အပစ်ခတ်ရပ်စဲရေးကနေတဆင့် နိုင်ငံရေး ဆွေးနွေး ပွဲေ တွ ဖြစ်လာဖို့အတွက်လည်း တဒေါင့်တနေရာကနေ ပါဝင်ဆောင် ရွက်ပေးနေတဲ့ပါတီဖြစ်ပါ တယ်။ ပါတီရဲ့ ရွေးကောက်ပွဲ မျှော်မှန်းချက် ၊ငြိမ်းချမ်းရေးဖြစ်စဉ် တိုင်းရင်းသားအရေးတွေနဲ့ ပတ်သက်လို့ သဘောထား အမြင်တွေကို သိနိုင်အောင်လို့ ရှမ်းတိုင်းရင်းသားများ ဒီမိုကရေစီအဖွဲ့ ချုပ်ဥက္ကဌ ဦးခွန်ထွန်းဦးကို သျှမ်းသံတော်ဆင့် သတင်းဌာနရဲ့ ရန်ကုန်အခြေစိုက် သတင်းထောက် စိုင်းထွန်းအောင်လွင်က ရန်ကုန်မြို့ ကိုးမိုင်သျှမ်းရွာမှာရှိတဲ့ သူ့ရဲ့ နေအိမ်မှာ သွားရောက်တွေ့ဆုံမေးမြန်းထားပါတယ်။
မေး။ ။ SNLD ပါတီအနေနဲ့ ၉၀ ရွေးကောက်ပွဲမှာ အနိုင်ရရှိပြီး ၂၅ နှစ်အကြာ မှာ အခုလာမဲ့ ၂၀၁၅ ရွေးကောက်ပွဲကို ၀င်ရောက်ယှဉ်ပြိုင်မယ်လို့ သိရ တယ်။ တချိန်တည်းမှာလည်း ဦးခွန်ထွန်းဦးအပါဝင် ပါတီရဲ့ ထိပ်တန်းခေါင်းေ ဆာင် ၅ ယောက်က ရွေးကောက်ပွဲမ၀င်ဘူးလို့ သိရတယ်။ ဘာကြောင့် ဒီလို တပြိုင်နက်တည်း ဆုံးဖြတ်ရတယ်ဆိုတာ ပြောပြပေးပါခင်ဗျာ။
ဖြေ။ ။ ကျနော်တို့ကတော့ အတွေ့အကြုံအရ ပါပါတယ်။ ၉၀ တုန်းကဆိုရင် ၀င်ပါဆိုပြီး ၄၇ ခုနှစ် အခြေခံ ဥပဒေယူယူ ၊၁၉၇၄ အခြေခံ ဥပဒေယူယူဆိုပြီး ကတိအမျိုးမျိုးပေးခဲ့တယ်။ နိုင်လာ တဲ့တနေ့ကျတော့ သူတို့ ပြောသလို မဟုတ်ပြန်ဘူး။ ကျနော်တို့ က နိုင်လာပြီးတော့ အမျိုးသားညီလာခံထဲဝင် သွားရတယ်။ တော်တော်ဆိုးဆိုးဝါးဝါးဖြစ်ခဲ့တယ် ရှမ်းပြည်နယ်ကိုလည်း အဓိကထားပြီး ဦးတည်ပြီးရေးတဲ့ အခြေခံ ဥပဒေမျိုးလည်း ဖြစ်နေတယ်။ ကျနော်တို့အနေနဲ့ကတော့ ၂၀၀၈ ကိုလည်း အသိမှတ်မပြုဘူး။ ၂၀၁၀ ကို လည်း မ၀င်ခဲ့ဘူး။ ဒါတွေက အတိတ်ကခါးသီးတဲ့ အတွေ့အကြုံတွေကြောင့်ပါပဲ။ ဒါပေမဲ့ အခု ဖွဲ့စည်းပုံပြင်မှဆိုတော့ နည်းနည်းပါးပါးပြင်ပေးတော့ ကျနော်တို့က ပြင်ပါတယ်။
မည်ကာမတ္တမဟုတ်ပဲအင်တိုက်အားတိုက်ဝင်ပါတယ်။ အခုဆိုရင် လွှတ်တော်ကိုယ်စားလှယ်ပေါင်း ၁၅၈ ဦးဝင်ပါတယ်။ ထိပ်ပိုင်းခေါင်းဆောင် ၅ ဦးမ၀င်ဘူး ဆို တာလည်း အပြင်ဘက်မှာ လုပ်ရမဲ့ ကိစ္စတွေရှိတယ်။ အပြင် ဘက်မှာလုပ်ရမဲ့ CSO/CBO တွေရှိ တယ်။ ၈၈ လိုအဖွဲ့တွေနဲ့ တခြား နိုင် ငံရေးမှာ လှုပ်ရှားနေတဲ့ အဖွဲ့တွေရှိတယ်။ တောင်သူလယ်သမားတွေ အလုပ်သမားအဖွဲ့စည်းတွေလည်းရှိတယ် ။ သူတို့ရဲ့ သဘော ထားတွေလည်း ရနိုင်အောင် သူတို့ရဲ့ သဘောထားတွေလည်း နားထောင်လို့ရအောင် ပါတယ်။ ကျနော်တို့ ပါတီကိုလည်း လက်ရှိအနေထားကနေ ဘယ်လိုတိုးတက်အောင်လုပ်မလဲဆိုတဲ့ မူဝါဒလည်းပါပါတယ်။ ကျနော်ကတော့ အခုလောလောဆယ် အသက်ကြီးနေပြီဖြစ်တဲ့အတွက် လူငယ်တွေကို လမ်းဖွင့်ပေးတဲ့ အနေနဲ့ မ၀င်တာပါ။
မေး။ ။ ပါတီရဲ့ အဓိက ဦးတည်ချက်နဲ့ မူဝါဒက ဘာတွေဖြစ်ပါသလဲ
ဖြေ။ ။ကျနော်တို့ရဲ့မူကတော့ စကတည်းက စစ်မှန်တဲ့ ဖက်ဒရယ်ပြည်ထောင်စုပေါ့ဗျာ။ ဒါကိုလည်း လက်လွတ်စရာ အကြောင်းမရှိဘူး။ အခြေခံ ဥပဒေကပြင်ရမယ်။ လွှတ်တော် ထဲမှာဆိုရင် တော့ အနည်းနဲ့ အများ ကျနော်တို့ရဲ့ အသံတွေကို ပြောနိုင်လိမ့်မယ်လို့ထင်တယ်။ ပြင်ဖို့ခက်နိုင်တဲ့ အချက်တွေ လည်းတွေ့ရတယ်။ ရတဲ့ အချက် ၆ ချက်ပေါ့နော်။ ဒို့တာဝန် အရေးသုံးပါးအပြင် အခြေခံဥပဒေကို အသက်ပေးပြီးကာကွယ်မယ် ဆိုတာတွေပါပါလာပြီ။ မကောင်းတာကတော့ လက်နက်ကိုင် တိုင်းရင်းသား အဖွဲ့တွေအတွက် မကောင်းဘူးပေါ့ဗျာ။ အခြေခံ ဥပဒေပြင်မှပဲ ဖက်ဒရယ်ပြည်ထောင်စု ဆိုတာ ပေါ်လာ မှာပါ။
မေး။ ။ငြိမ်းချမ်းရေးနဲ့ ပတ်သက်လို့ အပစ်ခတ်ရပ်စဲရေးမှာ အားလုံး ပါဝင်နိုင်မလားဆိုတဲ့ ကိစ္စက လတ်တလော အဓိကထားဆွေးနွေးစရာ ကိစ္စတစ်ခုဖြစ်နေပါတယ်။လက်နက်ကိုင်အဖွဲ့တွေ အားလုံး ပါဝင်ရေးဆိုတဲ့ ကိစ္စအပေါ်မှာကော ဦးခွန်ထွန်းဦးတို့ ပါတီရဲ့ သဘောထားက ဘယ်လိုရှိပါသလဲ။
ဖြေ။ ။ ကျနော်တို့က အားလုံးပါဝင်ရေးပဲလေ။ လိုင်ဇာမှာလည်း သဘော တူပြီးသား။ ဟိုလူမပါ ဒီလူမပါနဲ့ အပစ်ခတ်ရပ်စဲရေးက တွန့်ဆုတ်တွန့် ဆုတ်ဖြစ်နေတာပေါ့။ ဒါတွေကိုဆိုခဲမြဲစေဆိုတာနဲ့ သွားဖို့သင့်ပြီ ဆိုချင်တယ်။ ကတိအမျိုးမျိုးပေးတယ် ပြန်ပြင်ကြတယ်။ အားလုံးပါလို့ရသလိုနဲ့ လက်ခံခဲ့ကြတယ်။လက်နက် ချခိုင်းတာကလည်း သဘာဝမကျပါဘူး။ တဘက်နဲ့တဘက် ယုံကြည်မှုတည်ဆောက် ဖို့လိုသေးတယ်။ စစချင်းကတည်း ကမှားပါတယ်။ စစချင်းဆွေးနွေးရမှာ ဆွေးနွေးပြီးမှ ဆုံးဖြတ်ချက်ချရမှာ။ အခုတော့ လက်နက်ချနောက်မှ ဆွေးနွေးမယ်ဆိုတာ ကတော့ ဆွေးနွေးတဲ့ အချိန်မှာ အင်အားချိန်ခွင်လျှာ မမျှတာမျိုး ဖြစ်ချင်ဖြစ်မယ်။ လက်နက်ကိုင် အဖွဲ့ တွေကလည်း လက်နက်ကိုင်ပြီးဆွေးနွေးမှ စိတ်ချရမယ်ဆိုတဲ့ အနေ ထားမျိုးဖြစ်နေတယ်။ ဆိုလို ရင်းက ငြိမ်းချမ်းရေးနဲ့ အပစ်ရပ်ရေးဖြစ်စဉ်က စလာကတည်းကမှားနေတာ။ ထွန်ကအရင် လာလား နွားကရှေ့ကလာ လားက မပြတ်သား မသည်းကွဲခဲ့တဲ့အတွက် အခုလိုဖြစ်နေ ရတာပါ။
တပ်မတော်ကာကွယ်ရေးဦးစီးချုပ်ကပဲ အန်စီအေထိုးပြီးရင် လက်နက်အပ်ရ မယ်တို့ ၆ ဖွဲ့ကို လက်မခံဘူးတို့ ၃ ဖွဲ့က လက်နက်အပ်ရမယ်တို့ဆိုတာတွေက သံသယတွေပွားစေတယ်။ အဲတော့ ငြိမ်းချမ်းရေးကိုလည်း ထိခိုက်စေတယ်ေ ပါ့။ အခုထိပ်သီးတွေက သမ္မတ တပ်မတော်ကာကွယ်ရေး ဦးစီးချုပ်တို့နဲ့ သွားတွေ့မယ် ဆိုတော့လည်း ပြောကြဆိုကြမယ် တော်တော်လေးကို ဆွေးနွေးရနိုင်တယ်ပေါ့နော်။ အန္တိမ ရည်ရွယ်ချက် ကတော့ စစ်မှန်တဲ့ ဖက်ဒရယ်ပြည်ထောင်စုရချင်တယ်။ အခုကလည်း အခြေခံဥပဒေအတွက်ကို ကာကွယ်ဖို့ ဥပဒေထွက်ဖို့ ပြင်နေတာတွေရှိအဲလို ထွက်လာရင် တိုင်းရင်းသားတွေ မျှော်လင့်နေတဲ့ ဖက်ဒရယ် ပြည်ထောင်စုတော်တော် ဝေး သွားမယ် ထင်တယ်။ ဒီဟာတွေက ကျနော်တို့နိုင်ငံရေး ပါတီတွေက တာဝန်ရှိတဲ့အတွက် ပြင်အောင်ဆိုပြီးတော့ အာရုံစိုက်ပြီးကြိုးစားပေးမယ်။ အကယ်၍များ မပြင်နိုင်တော့ဘူးဆိုရင်တော့ တိုင်းရင်းသား ပြည်သူတွေအတွက်ေ ကာ ၊ငြိမ်းချမ်းရေးအတွက်ကော ထိခိုက်နိုင်တယ်လို့ ကျနော်ထင် တယ်။ တကယ်လို့ အားလုံးပါဝင်တဲ့ ငြိမ်းချမ်းရေး ဖြစ်လာအောင် ဆိုရင်တော့ စာချုပ်ကြီးချုပ်မယ် ဆိုရင် တော့ အားလုံးပါဝင်တဲ့ လမ်းကို မဖွင့်ထားရင်တော့ ထိုးမဲ့ အဖွဲ့က ၆ ဖွဲ့လောက်ပဲရှိတယ်ထိုးဖို့က။ အဓိကကျတဲ့ အဖွဲ့တွေက မထိုးဘူးဆိုရင်တော့ ငြိမ်းချမ်းရေးက ပြီးတော့မှာ မဟုတ်ဘူး ။ကျနော် အကြံပြု ချင်တာကတော့ ပါဝင်ပတ်သက်နေတဲ့ အဖွဲ့စည်းတွေအားလုံးကအပေး ယူကောင်းကောင်းနဲ့ မျှမျှတတလေး လုပ်နိုင်မှ ဒီတိုင်းပြည်ရဲ့ အခြေနေက ကောင်းလာမယ်။ စည်းရုံးရေး ကလည်း ကောင်းလာမယ်။ အဲလိုမှ မလုပ်ဘူးဆိုရင်တော့ ၆၈ နှစ်တာ ပြည်တွင်းစစ်နဲ့ တိုင်းရင်းသား တန်းတူရေးခရီးက ပိုရှည်သွားမယ်။ ကျနော့်အနေနဲ့ ငြိမ်းချမ်းရေးနဲ့ ပတ်သက်လာရင်တော့ စိုးရိမ်တယ်။
မေး။ ။ရွေးကောက်ပွဲအကြောင်းပြန်ဆက်ပါ့မယ်။ တချို့ဟာလေးတွေ ကျနော် နားလည်သလောက် ပထမ ဦးခွန်ထွန်းဦးတို့ ပါဝင်ခဲ့တဲ့ စီအာပီပီနဲ့ အန်အယ် လ် ဒီတို့အကြား မဟာမိတ်ဖွဲ့မယ် လို့ဆိုခဲ့ တယ်။ တကယ် တမ်း ရွေးကောက်ပွဲပြိုင်ဖို့ စာရင်းထွက်လာတော့ အန်အယ်လ်ဒီက တိုင်းရင်းသား နယ်မြေ တော်တော်များများမှာ ပြိုင်ဖို့ကိစ္စက ဖြစ်လာခဲ့တယ်။ တကယ့်ကို တချို့ေ နရာတွေက Remote ဝေးလံတဲ့ နေရာ တွေကအစ ပြိုင်ဖို့ ဖြစ်လာ တယ်။ အန်အယ်လ်ဒီနဲ့ ထိပ်တိုက်ပြိုင်ရမယ်ဆိုတော့ ဦးတို့ SNLD ပါတီအပါဝင် တိုင်းရင်းသားပါတီတွေနဲ့ အမျိုးသားဒီမိုကရေစီအဖွဲ့ချုပ်တို့ရဲ့ မဟာမိတ်ဇာတ်လမ်းက ပြီးဆုံး သွားပြီလို့ ဆိုနိုင်ပါသလား။
ဖြေ။ ။ အဲဒါကလည်း အမှန်ဆိုရင်တော့ ပွင့်ပွင့်လင်းလင်းပြောရရင်တော့ အရင်တုန်းက အန်အယ်လ်ဒီ အလိမ်ခံရသလို ကျနော်တို့လည်း အလိမ်ခံ ခဲ့ရတာပါပဲ။ အဲဒါကို မူတည်ပြီး နိုင်ငံရေးဆုံးဖြတ်ချက် တစ်ခု လုပ်ခဲ့တယ်။ လွှတ်တော်မခေါ်ရပေမဲ့ နိုင်တဲ့သူတွေက လွှတ်တော် မန်းဒိတ်ရှိခဲ့တယ်။ အဲဒါနဲ့ စီအာပီပီ ဖွဲ့ခဲ့တယ်။ အဲဒီအချိန်က ဒေါ်စုကလည်း နေအိမ်အကျယ်ချုပ် ကျနေခဲ့တဲ့အတွက် သူ့ဘက်ကရပ်ပေးခဲ့တာပဲ။ အခုလည်းသူ့ဘက်က ရပ်ပေးခဲ့တဲ့အတွက် သူကျနော်တို့ကိုလာပြီးကမ်းလှမ်းခဲ့တယ်။ စီအာပီပီ အဖွဲ့ဝင်တွေ ပြိုင်တဲ့နေရာတွေမှာ သူမပြိုင်ပါ ဘူးဆိုပြီးတော့ပါ။ စီအာပီပီ ကလည်း လူသိပ်မရှိတော့ အကယ်၍ ကျနော်တို့က လက်ခံလိုက်မယ် ဆိုရင် အထူးသဖြင့် တိုင်းရင်းသားပါတီတွေနဲ့ ဖွဲ့စည်းထားတဲ့ ယူအန်အေက ပုဂ္ဂိုလ်တွေက ကျနော် တို့ကိုမြင်လာလိမ့်မယ်။ ကျနော်တို့ယူအန်အေ ကိုလည်းထိခိုက်လာနိုင်တဲ့အတွက် ယူအန်အေ ကို ထည့်စဉ်းစားသင့်တယ်။ အခုလိုကမ်းလှမ်းလာတာကို ကျေးဇူးလည်း တင်တယ်ဆိုပြီးပြော ခဲ့တယ်။ ဒေါ်စုနဲ့က ခုနက မေးသလို မဟာမိတ်ဇာတ်လမ်းပြီးပြီလား မပြီးသေးဘူးလားဆိုတာကတော့ ဒါတွေကလည်း နိုင်ငံရေးအခင်းကျင်းက ဘယ်လိုဖြစ်လာမလဲ ကြိုမသိနိုင်ဘူးလေ။ အကယ်၍များ သူကနိုင်တယ် လုံလောက်တဲ့မဲမရဘူးဆိုရင် ဦးရွှေမန်းနဲ့ပေါင်းရင်လည်းပေါင်းမယ် ။ ဦးရွှေမန်းက အခြေနေ မပေးဘူးဆိုရင်လည်း ကျနော်တို့ တိုင်းရင်းသားေ တွထဲက အနိုင်ရတဲ့ ပုဂ္ဂိုလ်တွေကို ပေါင်းလိမ့် မယ်ထင်တယ်။ ယူအန်အေ အားကောင်းရင် ယူအန်အေနဲ့ ပေါင်းမှာပဲ ကျားဖြူက ဦးဆောင်နေတဲ့ NBF ( ညီနောင်တိုင်းရင်းသားများ ဖက်ဒရေးရှင်း ) နဲ့တော့ပေါင်းဖို့ မရှိလောက် ဘူး။ အဲဒီမှာပေါင်းစည်းဖို့ကလည်း လမ်းစရှိနေတာပဲ။ မဟာမိတ်ကိစ္စ ကပြီးသွားပြီ လို့ ပြောလို့မရ ပါဘူး။ သူ့အနေနဲ့ သူထင်သ လောက်မဖြစ် လာရင် ကျနော်တို့နဲ့ ညွှန့်ပေါင်းဖွဲ့ရမှာ ပါပဲ။သူနိုင်သွား ရင် တော့ ပါစရာမရှိတော့ ဘူး။ မြန်မာ့နိုင်ငံရေးမှာ နယ်မြေအားဖြင့် တိုင်းရင်းသားနယ်မြေ ကကြီးတယ် လူထုအာြး ဖင့် ပြည်မဒေသမှာက များတယ်။ လူဦးရေ က ဗမာက များတယ်။ ဘာပြဲေ ပာပြော ပြည်ထောင်စုရဲ့ နိုင်ငံရေး အခင်းကျင်းကတော့ တိုင်းရင်းသားတွေ မပါလို့ မဖြစ်ပါဘူး။ သူလည်း စဉ်းစားစရာဖြစ်လာမှာပါ။
မေး။ ။တဘက်မှာလည်း ဒေါ်အောင်ဆန်းစုကြည်အနေနဲ့ လွှတ်တော် အတွင်း မှာဖွဲ့စည်းပုံ ပြင်ဆင် ဖို့ ကြိုးစားခဲ့တယ် မအောင်မြင်ခဲ့ဘူ။ တိုင်းရင်းသားတွေကလည်းအပြင်မှာ ပင်လုံလိုညီလာခံ မျိုးပေါ်လာဖို့ အဲဒီနေရာမှာ နိုင်ငံရေး ပြသနာတွေကို ရှင်းနိုင်ဖို့ စဉ်းစားကြတယ်။ အဲဒီနည်းလမ်း နှစ်သွယ်မှာ SNLD အနေနဲ့ ဘယ်နည်းလမ်းကို အခြေပြုထားပါသလဲ။
ဖြေ။ ။ကျနော်ကတော့ ပင်လုံလို ညီလာခံမျိုးပေါ်လာအောင်ဆိုတဲ့ ကိစ္စမျိုးကို အဓိကထားပါ တယ်။ အဲလိုနည်းလမ်းနဲ့ရှင်းချင်တယ်။ ငြိမ်းချမ်းရေးယူချင်တဲ့ တိုင်းရင်းသား လက်နက်ကိုင် အား လုံးကလည်း ပင်လုံမူနဲ့ပဲသွားချင်တယ်။ စစ်မှန်တဲ့ ဖက်ဒရယ်ပြည်ထောင်စုကို ရချင်တာကိုး။ အန္တိမ ရည်ရွယ်ချက် ကတော့ ဒါပါပဲ။ ကျန်တဲ့နည်းလမ်းတွေက ဦးစားပေးရမဲ့ အချိန်အခါမဟုတ် တော့ဘူးလို့ ကျနော်ထင်တယ်။ အဲတော့ အပြင်မှာ လွတ်လွတ်လပ်လပ်ပြောလို့ရအောင် ဆိုပြီး ကျနော်တို့က အပြင်မှာနေခဲ့တာကိုး။
မေး ။ ။ မြန်မာ့နိုင်ငံရေးက ဒီလောက်ကြာပြီး မဖြေရှင်းနိုင်တာ အတိုက်အခံနဲ့ တိုင်းရင်းသား အင်အားစု တွေကြားမှာပဲ တပ်ပေါင်းစု စိတ်ဓါတ်နဲ့ မသွားနိုင်တာကြောင့်လို ဆိုကြတယ်။ တပ်ပေါင်းစု နိုင်ငံရေးက ဘယ်လောက်အထောက်ကူပြုမယ်လို့ ထင်ထားသလဲ။
ဖြေ။ ။ ကျနော်ထင်တယ် တပ်ပေါင်းစုကတော့ လက်နက်ကိုင် အဖွဲ့စည်းတွေလည်း လုပ်တယ် မအောင်မြင် ဘူး။ လူတွေပဲ မရင့်ကျက်လို့လား လိုအင်မဖြည့်ဆည်းနိုင်လို့လား မသိဘူး လက်နက် ကိုင်အချင်းချင်း တောင် မအောင်မြင်ကြဘူး။ ဒီမိုကရက်တစ်အင်အားစုအချင်းချင်းနဲ့ တိုင်းရင်းသား အင်အားစုအချင်းချင်း ပေါင်းစည်းရေးဆိုတာကိုတော့ ကျနော်တို့က အမြဲရည်ရွယ်တယ်။ ဒီအင်အား စုတွေကို တစ်စုတစ်တည်း ထဲဖြစ်အောင် အလံတစ်ခုတည်းမှာရပ်ပြီး လုပ်နိုင် အောင် ဒီအလံ အောက်ကနေ ပြောကြမယ်ဆိုတဲ့ သဘောထားက ရှိပြီးသားပါ။ အင်အားစုအားလုံး ပါဝင်လာတဲ့ တပ်ပေါင်းစုဖြစ်မှလည်း နိုင်ငံရေးအရ စကားပြောတဲ့အခါမှာ ပိုပြီးထိရောက်လာလိမ့်မယ်။
မေး။ ။ ရွေးကောက်ပွဲယှဉ်ပြိုင်ကြမဲ့ အခြေနေတွေကို ကြည့်မယ်ဆိုရင် ရှမ်းပြည်နယ်မှာ ပြိုင်ဆိုင်မှု ပြင်းထန်နိုင်တယ်လို့ ခန့်မှန်းထားကြတယ်။ ၉၀ ရွေးကောက်ပွဲနိုင်တဲ့ အန်အယ်လ်ဒီရှိမယ်။ SNLD ရှိမယ်။ ကျားဖြူလို ၂၀၁၀မှာ နိုင်ထားတဲ့ ပါတီအပြင် ပြည်ခိုင်ဖြိုးနဲ့ အခြားတိုင်းရင်းသားပါတီ လေးတွေ လည်း ပြိုင်ကြမယ်။ SNLD အနေနဲ့ ရှမ်းအပြင် အခြား ရှမ်းတိုင်းရင်းသားတွေ နေထိုင်တဲ့ ကချင် ၊ စစ်ကိုင်းတိုင်း အထက်ပိုင်းနဲ့ မန္တလေးတိုင်း နေရာအချို့မှာပါပြိုင်ဦးမယ်။ SNLD ရဲ့ အဓိက ပြိုင်ဘက်က ဘယ်သူတွေ ဖြစ်မလဲ။
ဖြေ။ ။ အဓိက ပြိုင်ဘက်က ပြိုင်မယ့်နယ်မြေအားလုံးမှာ ကျားဖြူပါတီ ဖြစ်လာပါလိမ့်မယ်။
မေး ။ ။ဘယ်လို ရလာဒ်တွေလည်း မျှော်မှန်းထားပါသလဲ။
ဖြေ။ ။ ကျနော်ကတော့ သိပ်အကောင်းကြီးတော့ ကိုယ့်ကိုကိုယ် အထင်မကြီးပါဘူး ။ ဒါပေမဲ့ ကျနော် ထင်တယ် ကျနော်တို့ ထောင် ကထွက်လာပြီး ကြိုးစားခဲ့သမျှပေါ့ သုံးနှစ်လောက်ရှိမယ်။ မနားတမ်းကြိုးစား ခဲ့တယ် ။ တရွာဝင်တရွာထွက် နိုင်ငံရေးမူဝါဒတွေ ဟောတယ် ပြောတယ်။ ကျနော်တို့ရဲ့ ၀ါဒတွေကို ရှမ်းလို လည်း ပြောကြတယ်ဆိုတော့ လူထုထဲကို ထိထိမိမိဝင်သွားပြီ ထင်တယ်။ ကျနော့အထင်တော့ အအောင် မြင်ကြီး မဟုတ်ရင်တောင် ကျနော် မရှုံးလောက်ဘူး ထင်တယ်။ ကျနော်ရင်းနှီးခဲ့တဲ့ အချိန်တွေ ဘ၀တွေက လည်း ရှိခဲ့ပြီကိုး။ မားမားမတ်မတ် ရပ်ခဲ့လို့ လည်း ထောင်ထဲနေခဲ့ဖူးပြီ လိမ်ညာခြင်းလည်း ခံခဲ့ရပြီးပြီ။ ဒီပေးဆပ်မှုတွေအပေါ်မူတည်ပြီးတော့ အနိုင်ရလိမ့်မယ်လို့ ကျနော်ထင်တယ်။ အနိုင်ကြီးလည်း မဟုတ်ဘူး နှာတဖျားလည်း ဖြစ်ရင်ဖြစ် မယ်။ ကံဆိုးရင်လည်း ရှုံးရင်လည်းရှုံးမယ်။ ကျနော့အနေနဲ့ကတော့ရုန်းကန် ရင်းနှီးခဲ့တာတွေ မူတည်ပြီးတော့ နှာတဖျားသာလိမ့်မယ်လို့ ကျနော်ထင်တယ်။
မေး။ ။ SNLD ပါတီအနေနဲ့ ကျန်ခဲ့တဲ့ ၂၅ နှစ်ကာလကို ပြန်ကြည့်မယ်ဆိုရင် အတိုက်အခံ အဖြစ် နဲ့ပဲ ရပ်တည်တယ်။ အတိုက်အခံပါတီတွေ ၊ အတိုက်ခံတိုင်းရင်းသား လက်နက်ကိုင်တွေနဲ့ပဲ တွဲခဲ့တာတွေရှိ တယ်။ အခုရွေးကောက်ပွဲပြီးရင်ကော အတိုက်အခံအဖြစ်နဲ့ ဆက်ရှိနေမှာလား။ အစိုးရအဖြစ် ရည်မှန်းထား ပါသလား။
ဖြေ။ ။ ကျနော့အနေနဲ့ကတော့ အစိုးရဖွဲ့ရေးက နောက်မှပါ။ အခုလူထုကို ဒုက္ခပေးနေတာက ၂၀၀၈ အခြေခံ ဥပဒေပဲ ၊ အထဲမှာ ကျနော်တို့ရောက်သွားလည်း ၂၀၀၈ အခြေခံ ဥပဒေ မူဘောင် ထဲက ပြင်ဖို့ ကြိုးစားမယ်။ အာဏာရရေးထက် လူထုတွေ ခံစားနေရတဲ့ အခြေခံ ဥပဒေကြီးက သွားလို့မဖြစ်တော့ဘူး အလုပ်လည်း မဖြစ်တော့ဘူးဆိုတာ အများလည်း သိနေပြီပဲ။ ဒီအခြေခံ ဥပဒေပြင်ရေးဆိုတဲ့ အန္တိမ ရည်ရွယ်ချက်နဲ့ ရွေးကောက်ပွဲဝင်တာပါ။ အာဏာရရေးက နောက်မှပါ။
မေး။ ။ သျှမ်းပါတီတွေပေါင်းစည်းရေးနဲ့ပတ်သက်လို့ကော ဘယ်လို ဆန္ဒရှိပါသလဲ။
ဖြေ။ ။ ပါတီပေါင်းစည်းရေးနဲ့ပတ်သက်လို့တော့ ရွေးကောက်ပွဲအပြီး နိုင်ငံရေးအခင်းအကျင်းက ဘယ်လိုဖြစ်လာမလဲမသိဘူး။ ကျနော်တို့ကတော့ ပေါင်းစည်းလိုစိတ်အမြဲရှိပါတယ်။
မေး။ ။သျှမ်းလူထုကို ဘာများပြောချင်ပါသလဲ။
ဖြေ။ ။ ကျနော်ကတော့ အထူးသဖြင့် သျှမ်းပြည်ကလူထုကို ပြောချင်တာက ရွေးကောက်ပွဲ ရွေးတဲ့နေရာမှာ ပါတီကိုကြည့်ပါ၊ လူကိုကြည့်ပါ။ ငွေကိုတော့ မကြည့်ပါနဲ့လို့ ။ ငွေကိုကြည့်မယ်ဆိုရင်တော့ ဘ၀တွေက ဒီထက်ပိုဆိုးလာပါလိမ့်မယ်။ ငွေကိုအကြောင်းပြပြီးတော့ ကျန်တော်တို့က ဘယ်တော့မှ စည်းရုံးမှာ မဟုတ်ဘူး။ ကျန်တော်တို့ပါတီက ရည်ရွယ်ချက်ကတော့ အများ ဆန္ဒအတိုင်းပဲ။ လွှတ်တော်ကိုယ်စား လှယ်တွေကို မထွက်ရဘူး မပြောင်းရဘူးဆိုတာ မပြောပါဘူး။ မူကိုမကြိုက်ရင် အချိန် မရွေးထွက် ပြောင်းချင် ပြောင်းပါ။ ကိုယ်စားလှယ်လောင်း တွေအဖြစ် လက်ခံထားရာမှာ တယောက်နဲ့ တယောက် လေးစားတယ်။ ဂုဏ်သိက္ခာရှိတဲ့ လူတွေနဲ့ လုပ်နေတာ ကျနော်တို့ကိုလည်း အားပေးကြမယ်လို့ မျှော် လင့်ပါတယ်။
အခုလို ဖြေကြားပေးတဲ့အတွက် သျှမ်းသံတော်ဆင့်က အထူးပဲကျေးဇူးတင်ပါတယ်။
သျှမ်းသံတော်ဆင့်/ စိုင်းထွန်းအောင်လွင်
0 comments:
Post a Comment