1.9.2015
ရှမ်းပြည်နယ်မြောက်ပိုင်း လားရှိုး - မူဆယ် ပြည်ထောင်စုကားလမ်းပေါ်တွင် ဖြတ်သန်းသွားလာနေသော ခရီးသွားယာဉ် များအား သြဂုတ်လ ၂၉ ရက်နေ့တွင် TNLA အဖွဲ့မှ ဆက်ကြေးငွေများ ကောက်ခံခဲ့ကြောင်း ခရီးသွားပြည်သူ တစ်ဦးထံမှ သိရသည်။
အဆိုပါဖြစ်စဉ်မှာ လားရှိုး - မူဆယ် ပြည်ထောင်စုကားလမ်းပေါ်တွင် ဖြတ်သန်းသွားလာနေသော ခရီးသွားယာဉ်များအား မုံးယုလေးလမ်းခွဲနှင့် နမ့်ဖတ်ကာကျေးရွာကြား TNLA အဖွဲ့မှ ဆက်ကြေးငွေများ ကောက်ခံခဲ့ခြင်းဖြစ်ကြောင်း ဒေသခံ တစ်ဦးမှ ပြောကြားသွားသည်။
“ညနေ ၄ နာရီအချိန်ခန့်က TNLA အဖွဲ့ဝင် ၃ ဦးဟာ မုံးယုလေးလမ်းခွဲနှင့် နမ့်ဖတ်ကာကျေးရွာကြားမှာ ဆက်ကြေး ကောက်နေတာ၊ ပါဂျဲရိုး၊ဆပ်(ဖ်)နှင့်ဘင်ကား တစ်စီးကို (၅)သောင်း၊ မှန်လုံယာဉ်ငယ်ဆိုရင် (၁)သိန်း ၊ ယာဉ်ကြီးတစ်စီး
(၂)သိန်းကျပ်နှုန်း တောင်းတယ် ” ဟု ယာဉ်မောင်း တစ်ဦးကပြောကြား သွားသည်။
“ကျွန်တော်ကတော့ (၅) သောင်း ပေးလိုက်တယ်၊ ကျွန်တော်လဲပေးပြီးကြောက်လို့ မြန်မြန်ထွက်လာခဲ့တာ၊ အရင်တစ်ခါ တုန်းကလဲ မပေးရင်သေနတ်နဲ့ပစ်တာဆိုတော့ မပေးဘဲမနေရဲဘူး၊ တော်ကြာအပစ်ခံနေရအုံးမယ်၊ ဒီလိုမျိုးတောင်း နေတာတွေကတော့ မင်းမဲ့စရိုက်ဆန်လွန်းတယ်၊ ဒီလိုသာအမြဲလုပ်နေရင် ခရီးသွားတွေနဲ့ ယာဉ်မောင်းတွေအတွက် အသက်အန္တရာယ်ပါ စိုးရိမ်ရတယ်၊ တာဝန်ရှိအဖွဲ့ အစည်းတွေက ကာကွယ်ပေးဖို့တော့လိုတယ်” ဟု ၎င်းမှ ဆက်လက် ပြောကြားခဲ့သည်။
ဆိုင်နော်(ဖားကန့်)
0 comments:
Post a Comment