ပလောင်တပ်နှင့် အစိုးရ တိုက်ပွဲဆက်တိုက်ရှိနေ၍ အပစ်ရပ်ဆွေးနွေးရန် အခက်အခဲရှိနေဟုဆို

21.9.2015

ပလောင်ပြည်လွတ်မြောက်ရေးတပ်ဦး/တအာင်းအမျိုးသားလွတ်မြောက်ရေးတပ်မတော် (PSLF/TNLA)နှင့် အစုိုးရတုို့အကြား တုိုက်ပွဲ များ နေ့စဉ် ဖြစ် ပွားနေစဉ် ပဏာမ အပစ်အခတ် ရပ်စဲရန် အတွက် တွေ့ ဆုံဆွေးနွေးရန် အခက်အခဲ ရှိနေသည်ဟု PSLF/TNLA အထွေထွေအတွင်းရေးမှူး ဗုိုလ်မှူးကြီး တာဘုန်းကျော်က ပြောသည်။

ငြိမ်းချမ်းရေးဆွေးနွေးရန် စက်တင်ဘာလ ၁၈ ရက်က MPCမှ ဦးညိုအုန်းမြင့် က ယခုလမကုန်မီ နှစ်ဖက် ကုိုယ်စားလှယ်များ တွေ့ဆုံရန် ဖုန်းဖြင့် ကမ်းလှမ်းခဲ့ခြင်း ဖြစ်သည်။

“ကျနော်တုို့တက်ဖုို့ အခက်အခဲရှိပါတယ်။ တုိုက်ပွဲတွေ ဖြစ်နေတဲ့အချိန်မှာ ရန်ကုန်၊ နေပြည်တော် သွားဖုို့ဆုိုတာ မဖြစ်နုိုင်သေးပါဘူး”ဟု ဗုိုလ်မှူးကြီး တာဘုန်းကျော်က မဇ္ဈိမကုို ပြောသည်။

PSLF ဗဟုိုဌာနချုပ်တွင် ဗဟုိုကော်မတီ အစည်းအဝေးတွင် စက်တင်ဘာလ ၁၈ ရက်မှစတင်၍ ကျင်းပနေကာ အစုိုးရနှင့် တွေ့ဆုံ၊ မတွေ့ဆုံရေး ဆုံးဖြတ်ကာ တွေ့ဆုံဆွေးနွေးမည့် ရက်သတ်မှတ်ရေး ညှိနှိုင်းနေသည်ဟု သူက ပြောသည်။

ဗဟုိုကော်မတီ အစည်းအဝေး ကျင်းပနေဆဲ ဖြစ်ပြီး “ကျနော်တုို့အဖွဲ့အစည်း လုပ်ငန်းစဉ်တွေပါပဲ။ အန်စီအေ လက်မှတ်ထုိုးမထုိုးက နဂုိုကတည်း က ပြောထားပြီ အားလုံးပါဝင်မှသာလျှင် လက်မှတ်ထုိုးနုိုင်မယ်။ ဒီအတုိုင်း မဟုတ်ဘူးဆုိုရင်တော့ ထုိုးနုိုင်မှာ မဟုတ်ပါဘူး”ဟု သူက ပြောသည်။

“အစုိုးရဘက်ကတွေ့ဖုို့ ဖုန်းနဲ့ကမ်းလှမ်းတာပဲရှိတယ်။ သူတို့ကမ်းလှမ်းတဲ့ အချိန်မှာ ကျနော်တို့ လောလော ဆယ်မှာ မအားသေးလုို့ မတွေ့နုိုင်သေးဘူး။ အားတဲ့အချိန် တွေ့မယ်၊ မတွေ့ဖြစ်ဘူးဆုိုတာ ကျနော်တို့ အကြောင်းပြန်မယ်”ဟု တာဘုန်းကျော်က မဇ္ဈိမကို ပြောသည်။

စက်တင်ဘာလ ၁၇ ရက်မှစတင်၍ တုိုက်ပွဲများ နေ့စဉ် ဖြစ်ပွားနေပြီး ရှမ်းပြည်နယ် ကျောက်မဲမြို့နယ် မုိုင်းလုံမြို့နယ်ခွဲ နားမွန်းကျေးရွာ အနီးတွင် TNLA နှင့် အစုိုးရ၏ တပ်မ ၇၇ တပ်ဖွဲ့နှင့် ရင်ဆိုင်တိုက်ပွဲ ယနေ့ စက်တင်ဘာလ ၂၀ ရက် ညနေပိုင်းတွင် နာရီဝက်ကြာ တုိုက်ပွဲ ဖြစ်ပွားခဲ့သည်ဟု သူက ပြောသည်။

“ဒီနေ့ တုိုက်ပွဲတွင် ရှိတယ်။ ဒီနှစ်ရက် သုံးရက်က ဆက်တုိုက်ဖြစ် တယ်။ မြန်မာအစုိုးရတပ်က ကျနော်တို့ နေတဲ့ဘက်ကုို တက်လာတော့ တိုက်ပွဲ ဖြစ်တာပဲ”ဟု ဗိုလ်မှူးကြီး တာဘုန်းကျော်က ပြောသည်။

တအာင်းဒေသအနှံ့တွင် မြန်မာ့တပ်မတော်မှ တပ်အင်အား ထပ်မံဖြည့်တင်း၍ ထုိုးစစ်ဆင်လာပြီး TNLA တပ်များ လှုပ်ရှားသည့်နေရာ များသုို့ လုိုက်လံ ပိတ်ဆုို့ တုိုက်ခုိုက်သဖြင့် တိုက်ပွဲ ပုိုမုိုပြင်းထန် လာခြင်း ဖြစ်သည်ဟု TNLA ၏ သတင်းနှင့်ပြန်ကြားရေးဌာနက ထုတ်ပြန်ထားသည်။

၂၀၁၂ ခုနှစ် နှစ်ကုန်ပုိုင်း စတင်၍ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒုဥက္ကဋ္ဌ ဝန်ကြီး ဦးအောင်မင်းနှင့် PSLF ကုိုယ်စားလှယ်များ တွေ့ဆုံဆွေးနွေးခဲ့ပြီးနောက် ၂၀၁၃ ခုနှစ် ဇူလုိုင်လ ၃၁ ရက်က ရှမ်းပြည်နယ်မြောက်ပုိုင်းမူဆယ်မြို့တွင် ပြည်နယ်အဆင့် နောက်ဆုံး တွေ့ဆုံဆွေးနွေးခဲ့သော်လည်း ပဏမ အပစ်အခတ် ရပ်စဲရေး လက်မှတ်ရေးထုိုးနုိုင်ခြင်း မရှိခဲ့ပေ။

၂၀၁၁ ခုနှစ် နှစ်လယ်ပုိုင်းက သမ္မတ ဦးသိန်းစိန်က PSLF/TNLA အပါအဝင် တုိုင်းရင်းသား လက်နက်ကုိုင် အဖွဲ့အစည်း ၁၆ ဖွဲ့ကုို အပစ်အခတ် ရပ်စဲရန် ဖိတ်ခေါ်မှုတွင် ပါဝင်ခဲ့သော်လည်း တစ်နုိုင်ငံလုံး အပစ်အခတ် ရပ်စဲရေး လက်မှတ်ရေးထုိုးရန်အတွက် အစုိုးရဘက်က တုိုင်းရင်းသား လက်နက်ကုိုင် အဖွဲ့အစည်း ၁၅ ဖွဲ့ကုို ဖိတ်ခေါ်မှုတွင် မပါဝင်ပေ။

တစ်နုိုင်ငံလုံး အပစ်အခတ် ရပ်စဲရေးစာချုပ် လက်မှတ်ရေးထုိုးရေး အတွက် ဆွေးနွေးပြီးနောက် ယခုရက်ပုိုင်းအတွင်း အစုိုးရ စစ်တပ်ဘက်မှ တအာင်းဒေသ အပါအဝင် ကချင်လွတ်လပ်ရေး တပ်မတော် (KIA)နှင့် ကုိုးကန့်တပ်မတော် MNDAA နယ်မြေအတွင်း ထုိုးစစ်ဆင်မှုများ ပုိုမုိုလှုပ်ရှားလာသည်ဟု ဗုိုလ်မှူးကြီး တာဘုန်းကျော်က ပြောသည်။

လတ်တလော ကချင်ပြည်နယ် မန်စီမြို့နယ်နှင့် ရှမ်းပြည်နယ်မြောက်ပုိုင်း KIA နှင့် အစုိုးရ စစ်တပ်တုို့ အကြား တုိုက်ပွဲဖြစ်ပွားနေဆဲ ဖြစ်နေသည်။

မကြာမီက သမ္မတ ဦးသိန်းစိန်သည် ကုိုးကန့်တပ်မတော်ကိစ္စနှင့်ပတ်သက်၍ ကုိုင်တွယ်မည်ကုို ပြောဆုို မှုများ ရှိသော်လည်း ယနေ့ထိ မည်သည့် ကမ်းလှမ်း ပြောဆုိုလာခြင်း မရှိသေးဘဲ ကုိုးကန့်ဒေသတွင် အစုိုးရဘက်မှ လက်နက်ကြီးများ နေ့စဉ် ပစ်ခတ်မှုများ ရှိနေပြီ တုိုက်ပွဲများ ဆက်လက် ဖြစ်ပွားနေသည်ဟု ကုိုးကန့်တပ်မတော်မှ ပြောရေးဆုိုခွင့်ရှိသူ ဦးထွန်းမြတ်လင်းက မဇ္စျိမကုို ပြောသည်။

Mizzima - News in Burmese