မောက်မယ်မြို့နယ်တွင် RCSS/SSA အဖွဲ့မှ ဒေသခံရွာသားများအား ဆက်ကြေးငွေများ အတင်းအကြပ် ကောက်ခံ
1.10.2015
ရှမ်းပြည်နယ်တောင်ပိုင်း၊ မောက်မယ်မြို့နယ်၊ ပန်တန်ကျေးရွာအုပ်စု၊ ၀မ်မုံကျေးရွာသို့ စက်တင်ဘာ ၂၆
ရက်နေ့တွင် RCSS/SSA အဖွဲ့တစ်ဖွဲ့မှရောက်ရှိလာပြီး ဆက်ကြေးငွေများ အတင်အကြပ်ကောက်ခံလျက် ရှိကြောင်း ဒေသခံတစ်ဦးထံမှ သိရှိရပါသည်။
“ သူတို့အဖွဲ့က ရွာထဲကိုဝင်လာပြီး အဆင်ပြေတဲ့အိမ်ကို တစ်သောင်းတောင်းတယ်၊ သိပ်အဆင်မပြေတဲ့
အိမ် ဆိုရင်တော့ ငါးထောင်နှုန်းပဲ တောင်းတယ်၊ ရွာစဉ်ရွာဆက်လိုက်တောင်းနေတာဗျ၊ ရွေးကောက်ပွဲ
အတွက် လူထုကို မဲဆွယ်စည်းရုံး နေတဲ့အချိန်မှာ ခုလို ဆက်ကြေးလိုက်တောင်းနေတော့ ဒေသခံတွေက
စိတ်ပျက် နေကြတယ်” ဟု ၀မ်မုံရွာသား တစ်ဦးမှ ပြောပါသည်။
RCSS/SSA အဖွဲ့သည် မောက်မယ်မြို့နယ်အတွင်းရှိ ကျေးရွာများအပြင် မိုင်းပန်မြို့နယ်နှင့် နမ့်စန်မြို့နယ်
အတွင်းရှိ ကျေးရွာများတွင်လည်း ဆက်ကြေးငွေများ ကောက်ခံခြင်းနှင့် လူသစ်စုဆောင်းမှုများကြောင့်
ဒေသခံများအနေဖြင့် နေရပ်စွန့်ခွာထွက်ပြေးတိမ်ရှောင်နေကြကြောင်း သိရှိရပါသည်။
RCSS/SSA အဖွဲ့အနေဖြင့် အစိုးရနှင့် တစ်နိုင်ငံလုံး အပစ်အခတ်ရပ်စဲရေး သဘောတူလက်မှတ်ရေး
ထိုးရေး ဆောင်ရွက်နေသည့်အချိန်နှင့် ရွေးကောက်ပွဲအတွက်မဲဆွယ်စည်းရုံးနေသည့်ကာလအတွင်း
ဒေသခံများအပေါ် ဆက်ကြေးငွေများ ကောက်ခံခြင်း၊ လူသစ်များအတင်း အဓမ္မစုဆောင်းခြင်းများ
ဆက်လက်လုပ်ဆောင် နေမှုများသည် ငြိမ်းချမ်းရေးကို ပျက်ပြားစေနိုင်ကြောင်း မောက်မယ်မြို့ခံတစ်ဦးမှ
ဆက်လက်ပြောကြား သွားပါသည်။
ခွန်စစ်အောင်
0 comments:
Post a Comment