10.9.2015
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ မဲဆွယ်စည်းရုံးရေးခရီးစဉ် အဖြစ် ကယားပြည်နယ်သို့ ယနေ့ စက်တင်ဘာ ၁၀တွင် စတင်ထွက်ခွာသွားပြီဟု ပါတီပြောရေးဆိုခွင့်ရှိသူ ဦးသိန်းဦးက မဇ္ဈိမသို့ ပြောသည်။
''ကျွန်တော်တော့မလိုက်ဖြစ်ဘူး၊ လိုက်နေကျ ဒေါက်တာ မေ၀င်းမြင့် တို့တော့ပါလိမ့်မယ်။ မြို့နယ် အားလုံးသွားဖို့တော့ သိပ်မသေချာသေးဘူး။'' ဟု ၄င်းကပြောသည်။
မဲဆွယ်စည်းရုံးခွင့်စတင်ရသည့် စက်တင်ဘာ ၈ ရက်နောက်ပိုင်း ဒေါ်အောင်ဆန်းစုကြည်၏ ပထမဆုံး မဲဆွယ်ခရီးစဉ်ဖြစ်ပြီး ဒေသခံ NLD ပါတီဝင်များနှင့်အတူ စည်းရုံး ဟောပြောမည်ဖြစ်သည်။
အမျိုးသားဒီမိုကရေစီအဖွဲ့ချုပ်က ကယားပြည်နယ်အတွင်း ပြည်သူ့ လွှတ်တော် ၇ နေရာ၊ ပြည်နယ် လွှတ်တော် ၁၄ နေရာ၊ အမျိုးသား လွှတ်တော် ၁၂ နေရာ၊ တိုင်းရင်းသားလွှတ်တော် ၁ နေရာ စုစုပေါင်း (၃၄) နေရာ ၀င်ပြိုင်မည်ဖြစ်သည်။
လက်ရှိ သမ္မတရုံးဝန်ကြီး ဦးအောင်မင်းသည် ကယားပြည်နယ်၊ အမျိုးသားလွှတ်တော် ရှားတောမြို့နယ် မဲဆန္ဒနယ် အမှတ် (၇) မှ တသီးပုဂ္ဂလအဖြစ် ဝင်ပြိုင်မည်ဖြစ်သည်။ ယင်းမဲဆန္ဒနယ်မှပင် အမျိုးသား ဒီမိုကရေစီအဖွဲ့ချုပ်ပါတီမှ ဦးအောင်ကျော်စိုးလည်း အမျိုးသား လွှတ်တော်အတွက် ယှဉ်ပြိုင်မည်ဖြစ်သည်။
Mizzima - News in Burmese
0 comments:
Post a Comment