စစ်ကိုင်းတိုင်းဒေသကြီး ခန္တီးမြို့မှာ ကျင်းပတဲ့ မဲဆွယ်စည်းရုံးရေးဟာပြောပွဲမှာ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို စက်တင်ဘာလ ၂၅ ရက်နေ့က တွေ့ရစဉ်
26-9-2015
လာမယ့်ရွေးကောက်ပွဲမှာ NLD အမျိုးသားဒီမိုကရေစီအဖွဲ့ချုပ် အနိုင်ရရင် တိုင်းရင်းသားတွေ အပါအဝင် လူထုလူတန်းစားအားလုံး အဖွဲ့အစည်းအားလုံးနဲ့ လက်တွဲဆောင်ရွက်မယ်လို့ NLD ပါတီ ဥက္ကဌ ဒေါ်အောင်ဆန်း စုကြည်က ဒီကနေ့ ကတိပေးပြောကြားလိုက်ပါတယ်။
ခန္တီးမြို့မှာ ကျင်းပတဲ့ မဲဆွယ်စည်းရုံးရေးဟောပြောပွဲမှာ သူက အခုလိုပြောကြားခဲ့တာ ဖြစ်ပါတယ်။
"အခု ကျမပြောတဲ့စကားကို မှတ်ထားပါ၊ ကျမတို့ ရွေးကောက်ပွဲမှာ နိုင်ခဲ့လို့ရှိရင် ကျမတို့ဟာ သဘောထား
ကြီးစွာနဲ့ အားလုံးကိုလက်ကမ်းကြိုဆိုပြီးတော့ အမျိုးသားရင်ကြားစေ့ရေးကို ဦးတည်သွားမှာဆိုတာကို ကျမတို့ကတိပေးပါတယ်"
ဒါ့အပြင် ဒေါ်အောင်ဆန်းစုကြည်က တိုင်းရင်းသားဒေသတွေမှာ သူတို့ပါတီက ဝင်ရောက်ယှဉ်ပြိုင်တာဟာ နေရာ လာလုတာမဟုတ်ပဲ ပြည်ထောင်စုလွတ်တော်မှာ ပြတ်ပြတ်သားသား နေရာအများစုရရှိဖို့ အင်မတန် အရေးကြီး တဲ့အတွက် ဖြစ်ပါတယ်လို့ပြောပါတယ်။
ဒီကနေ့ ဟောပြောပွဲကို လူတစ်သောင်းခန့် တက်ရောက်ပါတယ်။ ဒေါ်အောင်ဆန်းစုကြည်ဟာ စစ်ကိုင်းတိုင်း ခန္တီးမြို့မှာ ဒီကနေ့ ညအိပ်ရပ်နားပြီး မနက်ဖြန် ထမံသီနဲ့ ဟုမ္မလင်းကို ခရီးဆက်မှာဖြစ်ပါတယ်။
RFA Burmese
0 comments:
Post a Comment